Këngëtarja Rovena Dilo i është rikthyer edhe njëherë çështjes së ish-lokalit të saj, në tokën e të cilit po ndërtohet një pallat.
Ditën e sotme ajo ishte e ftuar në rubrikn “Ti mund të këndosh”, ndërsa u shpreh se sot mund të ishte miliardere, por tokën që ia ka lënë gjyshja ia kanë marrë të tjerët.
Kujtojmë se lokali i Rovena Dilos u sekuestrua në vitin 2016, duke kaluar në pronësi të Tom Doshit dhe Ndriçim Babasit, pasi këta dy e paditën këngëtaren dhe pretendonin se toka ishte e tyre.
Pjesë nga biseda:
Ardit Gjebrea: Ti pasi more kaq shumë para vendose të ktheheshe në Shqipëri që të bëheshe miliarderja që je sot? (qesh)
Rovena Dilo: Na i morën miliardat.
Ardit Gjebrea: Pse mund të bëheshin?
Rovena Dilo: Kur ke prona dhe talent edhe mund të bëhesh.
Ardit Gjebrea: Çfarë ndodhi me lekun dhe pronat dhe miqësinë? Këtu ku erdhëm ka qenë bar Rovena dhe kemi shumë kujtime. Për fat të keq gjërat ndryshojnë në jetë dhe mesa di unë ti nuk je ndarë mirë nga kjo histori.
Rovena Dilo: Bar Rovena nuk ka qenë Bar Rovena, ka qenë toka e nënës sime dhe unë vazhdoj të luftoj për pronën e nënës sime dhe nuk do rresht së luftuari derisa ajo të shkojë tek njerëzit të cilët e meritojnë ta kenë.
Unë nuk e kam më, jemi në proces gjyqësor dhe pavarësisht se jemi në proces gjyqësor kjo ndërtesë po vazhdon të ngrihet, jemi në Shqipëri.
Ky është problem gjykata dhe shteti nuk funksionon ashtu siç duhet dhe unë gjej rastin të shpresoj se drejtësia në 2020 nuk do të bëjë më padrejtësi për të marrë pronën nga pronari dhe për t’ja dhënë atë njerëzve të cilët për fat të keq janë të fortët e politikës. Jo vetëm pasuria ime u bë 0 por edhe pasuria e stërgjyshit 0.
la.mi/Fjala.al
