Këto janë pamjet e para që vijnë nga vendi i ngjarjes në spitalin Infektiv, ku një pacient me koronavirus u hodh nga ballkoni i katit të 3 të Infektivit. Sipas policisë, pacienti ndodhet nën kujdesin e mjekëve dhe po lufton me jetën.
Shtetasi me inicialet R.B., 69 vjeç, ishte në terapi intensive, ndërsa prej disa ditësh merrte mjekim në këtë spital.
Në fotot e shkrepura nga LSA, duken mjekët pranë trupit të pacientit 69-vjeçar, dhe personeli që përpiqet të mbajë larg familjarë të cilët duan të dinë se çfarë ka ndodhur dhe kush është personi që ka ndërmarrë këtë akt. I pranishëm është edhe mjeku Dhimitër Kraja.
Aktualisht nuk dihet se si ka ndodhur ngjarja. Ndërkohë policia ndodhet në vendin e ngjarjes dhe ka rrethuar me shiritin e verdhë skenën ku ka ndodhur ngjarja./Bl.Ba/Fjala.al
