Greqia do të vendosë për herë të parë trupa ushtarake në ishullin e Othonoit.
Ky është dhe ishulli më perëndimor i saj dhe që është afër ujërave territoriale shqiptare në Detin Jon.
Gazeta greke “Ta Nea” shkruan se vendosja e pranisë së përhershme ushtarake në këtë zonë, edhe pse vendi nuk ndjehet i kërcënuar ashtu si në Lindje nga Turqia, është pjesë e strategjisë së re të Ministrisë së Mbrojtjes.
Mësohet se puna për të vendosur postën ushtarake në këtë ishull ka nisur edhe si kërkesë e vazhdueshme e 400 banorëve të tij.
Ende nuk ka asnjë informacion nga ana e Qeverisë greke, por kjo lëvizje e Athinës vjen pas vendimit për t’u zgjeruar me 12 milje në Detin Jon dhe për të çuar çështjen e ndarjes së Zonës Ekskluzive Ekonomike me Shqipërinë në Gjykatën Ndërkombëtare të Hagës.
Pa.Va/Fjala.al
