Aksident me pasojë një fëmijë të plagosur rëndë është regjistruar mesditën e sotme në qytetin e Lezhës.
Ngjarja ka ndodhur në rrugën e fshatit Barbulloje e re në Lezhë, ku një fëmijë 10-vjeçar është përplasur nga një makinë.
Si pasojë e përplasjes, fëmija ka marrë plagë të rënda dhe është dërguar në spital ku raportohet se ndodhet në gjendje të rëndë shëndetësore nën kujdesin e mjekëve.
Mësohet se në momentin e aksidentimit, shoferi nuk i ka dhënë ndihmën e parë fëmijës, por është larguar me shpejtësi nga vendi i ngjarjes.
Burime bëjnë me dije se fëmija ka qenë duke u kthyer nga shkolla dhe është përplasur sapo ka zbritur nga furgoni.
Policia e cila ka shkuar në vendngjarje ka nisur hetimet për zbardhjen e plotë të aksidentit si dhe po punon për identifikimin dhe kapjen e drejtuesit të mjetit./Bl.Ba/Fjala.al