Një 40-vjeçar, banues në Podujevë, Kosovë, është arrestuar në flagrancë nga Policia e Kukësit, pasi ka tentuar të vrasë me thikë një shtetas kosovar pas një konflikti të çastit.
Sipas policisë, në autostradën Milot-Morinë, shtetasi S. B. ka qenë duke udhëtuar me një mjet dhe për shkak se shtetasi I R. e ka penguar për të bërë manovrën e parakalimit, të dy kanë ndaluar mjetet te trau dhe pas konfliktit të çastit, shtetasi I.R. ka tentuar të vrasë me mjet të mprehtë, thikë shtetasin S.B., 43 vjeç, banues në Fushë-Kosovë, duke e lënë të plagosur.
Ky i fundit ndodhet jashtë rrezikut për jetën dhe po procedohet në gjendje të lirë, pasi ka goditur me grushte shtetasin I. R., duke i shkaktuar dëmtime në fytyrë.
Kësisoj, shtetasi I.R., akuzohet për veprën penale “Vrasja me dashje”, mbetur në tentativë dhe shtetasi S. B., për veprën penale “Plagosja e lehtë me dashje”./Bl.Ba/Fjala.al
