Ish-ministri i Bujqësisë, njëherësh ish- deputeti i LSI-së, Edmond Panariti ka njoftuar ditën e sotme se pas 16 vitesh, do të largohet nga Lëvizja Socialiste për Integrim.
Panariti thekson se do të angazhohet me një detyrë të rëndësishme, por pa bërë me dije se për çfarë behet fjalë.
Ai thekson se do ndërpresë rrugëtimin 16-vjeçar me LSI-në, ndërkohë që falënderon kolegët për bashkëpunimin.
“Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme.
Me këtë rast më lejoni t’ju falenderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje.
Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë”, thekson Panariti./Bl.Ba/Fjala.al
