Zv. ministri i ri i financave Besart Kadia ka folur për herë të parë ku ka zbuluar pse ka pranuar ofertën për të marrë këtë post në qeverinë Rama.
I ftuar në emisionin ”Zonë e Lirë”, Kadia thotë se detyra e tij kryesore është ekonomist dhe do të kontribuojë në qeveri si i tillë, dhe jo në bazë të përkatësive politike.
“Jam në radhë të parë ekonomist, xhaketa ime është ekonomist. Në radhë të parë vijnë idetë, më pas përkatësitë politike. Janë shumë të rëndësishme për këdo që ka ka profesion politikën, por jo për një që do të kontribuojë në xhaketën e tij.
Kemi përballë sfidat për t’u integruar në BE, ka raste të ngjashme në Ballkan, në Kroaci kryenegociatori për në BE ka qenë i partisë opozitare që vendosi qeveria. Sepse konsensusi apo nevoja për burime njerëzore për Shqipërinë janë të gjithkohshme.
Në këtë kuptim çfarë detyrash kam unë që kanë të bëjnë me çështjen e tregtisë së lirë, integrimin europian, nënshkrimin e marrëveshjes së ndryshme i interesojnë shtetit shqiptar, pavarësisht nëse është 1,2, 3, 5 apo 6 muaj”, tha Kadia.
Pa.Va/Fjala.al
