Kryeministri Edi Rama ka publikuar pamjet nga spitali Covid4, i cili ende nuk është në punë. Kapacitetet e këtij spitali janë bosh, ndërsa kryeministri Edi Rama thotë se realiteti është ndryshe nga çfarë pretendon opozita, që sipas tij ëndërron katastrofën.
“Mirëmëngjesi dhe me pjesën e katërt të eksluzives nga vija e zjarrit, brenda spitalit Covid4, ku mund të shihni gatishmërinë e sistemit tonë të mbrojtjes shëndetësore, që është krejt po krejt ndryshe nga çfarë ju thonë ata që ëndërrojnë katastrofën e nxisin ankth, pasiguri, frikë, duke ju siguruar se nuk do të jeni kurrë vetëm në këtë luftë ju uroj një ditë të mbarë”, shkruan Rama.
Ndërsa Daniela Nika, zv/drejtore e QSUT-së, thotë se kjo strukturë spitalore ka 110 shtretër.
“Aktualisht kjo strukturë ka 110 shtretër. Pacientët në momentin e parë që do të vijnë do të triazhihen. Është menduar që të ketë edhe një sallë mikrokiruergjie për të kryer ndërhyrje. Kemi parashikuar edhe një grafi portative që pacientit ti bëhet grafia në shtrat. Nuk jem në kohën e përdorimit, ne jemi gati, por kemi ende kapacitete për të pritur pacientë”, tha doktoresha.
Ajo shpjegoi se dhomat e pacientëve janë dyshe dhe janë të pajisura me të gjitha aparaturat./Bl.Ba/Fjala.al
https://www.facebook.com/edirama.al/videos/1015534355591513/?t=2
