Shqipëria ka mundur 3-1 Kazakistanin, në një ndeshje spektakolare në “Air Albania”.
Miqtë realizuan një supergol nga mesi i fushës, por për fat të mirë ai ishte goli i nderit për kazakët, përballë tri “rrjetave” të kuqezinjve.
Cikalleshi, Ismajli dhe Manaj janë autorët e fitores së çmuar të kombëtares sonë, e cila shkon tashmë më e qetë në sfidën e fundit kualikuese në grup ndaj Bjellorusisë, sërish në “Air Albania”, me bindjen për ta mbyllur e para.
Bjellorusia do të jetë ndalesa e fundit e kësaj fushate eliminatoresh, ku mund të kishim bërë më mirë. Megjithatë, arritja e kreut të grupit do të justikonte gjithcka.
Aktualisht, situata në grupin 4 të Ligës C është e tillë: kryeson Bjellorusia me 10 pikë, e ndjekur nga Shqipëria me 8 pikë.
Përplasja direkte, më 18 nëntor, do të vendosë edhe fatin e kreut të grupit. Kuqezinjve iu duhet vetëm triumfi, për ta lënë pas Bjellorusinë, pasi Lituania dhe Kazakistani janë tashmë jashtë garës për vendin e parë
Pa.Va/Fjala.al
