Presidenti në detyrë i SHBA, Donald Trump më në fund ka pranuar që Joe Biden fitoi zgjedhjet, por nuk ka harruar të hedhë akuza se zgjedhjet ishin të manipuluara.
Deklarata e tij vjen ndërkohë që ai vazhdon të luftojë rezultatet e zgjedhjeve me sfida ligjore dhe pasi ai i quajti zgjedhjet “vjedhja më e madhe në historinë e Amerikës”.
“Ai fitoi sepse Zgjedhjet u manipuluan,” shkruan Presidenti në detyrë në Twitter.
Komentet e tij i bënë jehonë komenteve të ngjashme që bëri muajin e kaluar, ku ai pohoi se ka “prova të mjaftueshme për të akuzuar” Obamën dhe Presidentin e zgjedhur Joe Biden për “spiunimin e fushatës së tij”.
Gjithashtu Trump është shprehur se do e çojë në Gjykatën e Lartë çështjen e zgjedhjeve pasi pretendon se janë vjedhur votat dhe është manipuluar rezultati i zgjedhjeve.
Pa.Va/Fjala.al
