Pas përfundimit të verifikimit të thelluar të kritereve ligjore, Këshilli i Lartë Gjyqësor vendosi kualifikimin e juristit Dariel Sina si kandidat për Gjykatën e Lartë.
Sina vjen në rradhët e juristëve të spikatur që do të vijojë procedurat e mëtejshme për emërimin e Gjykatës së Lartë.
Mësohet se Darjel Sina që aktualisht shërben si Komisioner Publik, ishte i vetmi kandidat në garë për vakancën e hapur në Gjykatën e Lartë.
9 anëtarë votuan për Darjel Sinën teksa kanë munguar Fatmira Luli dhe Alban Toro që kanë dhënë dorëheqje më parë nga kjo çështje për shkak të konfliktit të interesit.
Tashmë KLGJ pritet të përfundojë pikëzimin për Sinën dhe t’i hapë rrugë emërimit të tij në Gjykatën e Lartë./Bl.Ba/Fjala.al
