Pesë persona, mes tyre dy policë humbën jetën dhe 19 të tjerë u plagosën si pasojë e një sulmi kamikaz që ndodhi të martën në një restorant në kryeqytetin somalez, Mogadishu.
Një zyrtar i policisë dhe disa dëshmitarë treguan se sulmuesi hyri në restorant dhe u afrua pranë akademisë së policisë, duke shpërthyer një sasi eksplozivi dhe ku u vetëvra.
“Të plagosurit janë dërguar në spitalin më të afërt, por disa prej tyre kanë plagë serioze”, i tha një efektiv policie AFP-së.
Dëshmitari Abdukadir Hussein tha së në kohën e shpërthimit, në restorant ishin dhjetëra persona.
“Shumë nga këta njerëz u plagosën. Personalisht, pash tmerr me sy, pasi trupat e pajetë të dy personave ishin afër meje. Shpërthimi shkatërroi gjithçka”, tha ai.
Deri tani askush s’e ka marrë përsipër përgjegjësinë për sulmin./Re.D/Fjala.al
