Pjesëtarët e Agjencisë serbe të Informacionit dhe Sigurisë (BIA), njoftuan se ditën e djeshme në bashkëpunim me Prokurorinë për Krime të Teknologjisë së Lartë dhe Ministrinë e Brendshme të Serbisë, arrestuan një 30-vjeçar nga Paraçini.
Arsyeja e arrestimit është për shkak të një dyshimi se kërcënoi në Facebook presidentin e Serbisë, Aleksandar Vuçiç, sipas BIA.
I dyshuari akuzohet përmes Facebook, ka kërcënuar presidentin serb me vrasje. Personi raportohet të ketë kërcënuar vazhdimisht Vuçiç, duke i theksuar se ai tanimë është në shënjestrën e tij.
Në një fotografi të postuar së fundmi nga Vuçiç me Presidentin malazes Milo Gjukanoviç dhe anëtari i presidencës së BeH Milorad Dodik, ai shkroi:
“Këta të dy u larguan, ndërsa ty Aleksandar Vuçiç do të eliminojë snajperi. E di edhe vet, ajo pikë e kuqe e cila po të përcjellë në dhomën e fjetjes kur e ndal dritën. Vuçiç të shikoj, e ti nuk di se ku jam. Ti mua nuk më sheh, por unë të shoh nëpërmes të nishanit optik”.
Sipas asaj që raporton BIA, i dyshuari është arrestuar.
Pa.Va/Fjala.al
