Një 46-vjeçar nga Fieri me inicialet V.M., ka rënë në prangat e Policisë pasi për 2 muaj ka përndjekur një minorene 15-vjeçare.
Specialistët për Hetimin e Krimeve në Komisariatin e Policisë Fier arrestuan shtetasin V. M., 46 vjeç, banues në Pojan, Fier, pasi në mënyrë të vazhdueshme, për 2 muaj, ka përndjekur një shtetase 15-vjeçare.
Gjithashtu është arrestuar edhe një 52-vjeçar në Lushnjë, pasi u kap duke drejtuar makinën i dehur pranë vendit të quajtur “Pushimi i shoferit”.
Specialistët e Sektorit të Qarkullimit Rrugor në DVP Fier arrestuan në flagrancë shtetasin A. Ll., 52 vjeç, banues në Lushnjë, pasi u kap në vendin e quajtur “Pushimi i shoferit” duke drejtuar automjetin tip “Benz” në gjendje të dehur.
Materialet i kaluan Prokurorisë, për veprime të mëtejshme procedurale./Bl.Ba/Fjala.al
