Ministria e Shëndetësisë ka reaguar pas ndarjes nga jeta të foshnjës 16-muajsh, infektuar me COVID, duke sqaruar shkaqet që sollën vdekjen e fëmijës.
Sipas ministrisë, foshnja po mjekohej në Pedriatrinë e Tiranës, për shenjat klinike për për S. Kawasaki, por gjendja e tij u rëndua brenda 24 orëve dhe më pas është dërguar në terapinë intensive.
Shkak për vdekjen e fëmijës u bë një komplikacion i rrallë, (Sindroma Inflamatore Multisistemike), ndër komplikacionet më të rralla që haset në moshën fëminore si pasojë e COVID19.
“Informojmë se, referuar QSUT, një fëmijë 16 muajsh ka ndërruar jetën si pasojë e COVID19. I ndjekur dhe trajtuar në pavionin COVID në Pediatrinë e Tiranës për gjendjen dhe shenjat klinike për S. Kaëasaki, gjendja e tij u rëndua brenda 24 orëve dhe më pas është dërguar në terapinë intensive ku, megjithë mjekimin me terapinë e plotë të trajtimit dhe përpjekjet e mëdha të mjekëve të reanimacionit, nuk ka mundur të mbijetojë, si pasojë e një komplikacioni të rrallë (Sindroma Inflamatore Multisistemike) ndër komplikacionet më të rralla që haset në moshën fëminore si pasojë e COVID19”, sqaron Ministria e Shëndetësisë.
Sindroma Kawasaki, është një sëmundje e rrallë në fëmijëri, e cila bën që muret e enëve të gjakut në trup të acarohen. Simptomat përfshijnë një temperaturë të lartë që zgjat pesë ditë ose më gjatë, së bashku me një skuqje në qafë, buzë të thata e të plasaritura, gishtërinj dhe sy të kuq.
Pa.Va/Fjala.al
