Inida Kreuz, ose e njohur ndryshe si Zhaku për shqiptarët, zbuloi planet që kishte për hapjen e një partie politike.
Në një lidhje me skype nga Gjermania, ajo tha se ishin të tjerët që e nxitën të bënte diçka të tillë pas reagimeve që kishte bërë për shembjen e Teatrit.
Zhaku tha se nuk mundi ta çojë më tej planin e saj sepse në atë periudhë nuk po kalonte një moment të mirë me bashkëshortin e saj gjerman Kristianin, pas 7 vitesh martesë.
“Më shumë kishim të tjerët besim tek unë, pas revoltës që pata për shembjen e Teatrit, duke qenë se pata disa diskutime, ku kishte dhe qëndrime politike, nisën të më shihnin si një person që ka të guximin t’i thotë gjërat hapur. Unë isha në Gjermani, por njerëzit firmosën peticionin për mua nga Shqipëria, mora mbi 300 firma, dhe më vjen keq që nuk munda të realizoj atë plan. Dhe për më tepër unë e di që nuk jam një person që mund të drejtoj një parti, se nuk mendoj se jam e përgatitur për ta bërë diçka të tillë, pavarësisht dëshirës.
Nëse do e bëja diçka të tillë, do bëja një parti të ngjashme me këto në Gjermani. Unë bëra statusin themelor, bëra programin, emrin e partisë, mora dhe mbështetje nga donatorë që unë ta vazhdoja. Unë bëj një master online për menaxhim biznesi. Por në atë kohë vendosëm një pauzë nga Kristian, se pas 7 vitesh martesë patëm një moment krize, ishte më shumë një krizë e brendshme identiteti se sa krizë mes nesh. Prandaj vendosëm të jetojmë 1 vit të ndarë.
Në ato momente jetonim në një apartament të vogël, bënim çdo gjë bashkë, punonim bashkë, unë u shkëputova plotësisht nga ëndrrat e mia dhe merreshim me biznesin bashkë, ama u bë diçka toksike. Të dyve na dukej ashtu, por kur je shumë bashkë, fillon dhe grindesh. Për të mos shkatërruar nervat, se dhe unë po kaloja një periudhë depresioni, se s’po bëja gjërat që doja. Ajo ndarje na bëri shumë mirë, për të gjetur ekuilibrin për të sfiduar veten.U mora vetëm me veten time, pija kafen vetëm, kisha nevojë për një periudhë reflektimi. Por asnjë mashkull nuk mund ta krahasoj me të,” tha Zhaku.
Pa.Va/Fjala
