Ka nisur në fillim të javës grumbullimi i Kombëtares së të rriturave në futboll për femra, në kuadër të përgatitjeve për dy ndeshjet zyrtare për Eliminatoret e Evropianit 2022, atë ndaj Qipros, më 27 nëntor 2020 në Stadiumin “Loro Boriçi” të Shkodrës, dhe ndaj Portugalisë, më 1 dhjetor në fushë të huaj.
Që prej së martës, grupi prej 21 futbollisteve të ftuara nga trajneri Armir Grima është plotësuar, pasi ekipit i janë bashkuar edhe lojtaret që aktivizohen me klube jashtë vendit.
Siç dijet, përfaqësuesja kuqezi e vajzave të topkëmbës është grumbulluar në në Shkodër.
Ndërkohë që ka nisur edhe seancat stërvitore në fushën e Barbullushit për të përgatitur dy ndeshjet e radhës.
Gjithashtu, po ndiqet çdo procedurë e protokollit sanitar për shkak të epidemisë së “Covid-19” ku gjatë këtyre ditëve skuadra do t’i nënshtrohet edhe testit të tamponëve para ndeshjeve.
l.m/Fjala.al
