Qeveria ka miratuar ditën e sotme rritjen e pagave për punonjësit e policisë së burgjeve. Bëhet me dije se nga rritja e pagave do të përfitojnë 3559 efektivë të Policisë së Burgjeve.
Mësohet se punonjësit do të kenë shtesë në llogaritjen e pagës mujore edhe për vjetërsinë në punë, që përllogaritet në 1% për çdo vit shërbimi deri në 25 vite punë.
Në VKM parashikohet gjithashtu edhe garantimi i transportit nëpërmjet përfitimit të kompensimit të udhëtimit nga 36 km e sipër.
Përfitimet e VKM për procedurat e trajtimit financiar gjatë qëndrimit në punë të punonjësve të policisë së burgjeve:
1.Shtesa për vjetërsi 1% për çdo vit shërbimi deri në 25 vjet
2.Garantimi i transportit nëpërmjet Përfitimit të kompensimit të udhëtimit nga 36 km e sipër, i cili vijon deri në ndryshimin e vendbanimit te punonjësit te policisë se burgjeve.
3.Pagesa për shpenzimet e qerasë kur transferohet ose komandohet jashtë vendbanimit të tij të përhershëm në largësi mbi 36 km.
4.Trajtimi me ushqim pa pagesë për punonjësit transferohen ose komandohen jashtë vendbanimit mbi 36 km.
5.Paga për gradë.
6.Vjetërsia për shërbim hyn në fuqi në 2021./Bl.Ba/Fjala.al
