Dhurata Çupi ka qenë deputete e Partisë Demokratike së zonës së Matit nga është edhe vetë ajo. E njeh shumë mirë zonën dhe për me tepër edhe historinë e shtëpisë së verdhë aq të komentuar vitet e fundit për akuzën e ngritur nga Dick Marty, ish-raportues i Këshillit të Evropës. Gjatë emisionit HARD TALK NGA ROLAND QAFOKU Çupi e quan absurde dhe qesharake atë që thuhet për këtë shtëpi.
-Duke qenë se ju keni qenë deputete në qarkun e Dibrës, keni një informacion më shumë për atë që quhet “shtëpia e verdhë”?
-Në fakt janë akuza absurde. Kanë qenë akuza qesharake. Unë kam qenë në fushatë, e njoh si zonë, sigurisht që nuk jam marrë më këtë çështje se kjo është qesharake edhe pas kaq vitesh që e diskutojmë. Asaj iu dha përgjigje, ku në fakt ishte një tallje nga të gjithë shqiptarët për atë politikë të ndyrë të këtij kryeministri në këto momente. Kaq mund të them për këtë çështje./Fjala.al/Ke.Ba
