Shënohen 32 gola në 13 ndeshje, 3 skuadra kualifikohen që tani për më tej. Veprimtaria e dytë e klubeve të kontinentit, Liga e Evropës ka luajtur të enjten, duke nisur nga ora 18:55, 13 ndeshjet e 8 prej grupeve. Në këto ndeshje, të luajtura në kuadër të takimeve të 4-ta të fazës së grupeve janë realizuar 32 gola, me një mesatare prej 2.5 golash për ndeshje, ndërsa janë njohur edhe 3 skuadrat e para që kualifikohen që tani për më tej.
Kështu, Duke nisur nga ora 18:55, janë zhvilluar të enjten 13 ndeshjet e 8 prej grupeve, në kuadër të takimeve të 4-ta të fazës së grupeve të Ligës së Evropës.
Ndryshe nga takimet e mëparshme, ku ishin shënuar plot 48 gola në 14 ndeshje, në 13 takimet e së enjtes janë realizuar 32 gola, me një mesatare prej 2.5 golash për ndeshje. Në takimin e vetëm të grupit A që u zhvillua në atë orar, Jang Bojs të Bernës ka mundur minimalisht në fushë të huaj CSKA-në e Sofias, ashtu sikundër ka fituar në fushë të huaj edhe Arsenali, duke mundur 3-0 Molden, në takimin e vetëm të luajtur më herët dhe londinezët janë që tani në fazën tjetër të kësaj veprimtarie. Në grupin G, AEK-u i Athinës është mundur pastër, 0-3 në Greqi përballë Zorias të Luhanskut.
Ndërsa në takimin tjetër, të luajtur në Portugali, Braga dhe Leister Siti kanë shënuar nga 3 gola secila dhe kanë ndarë nga një pikë, dhe anglezët vijojnë të jenë të shkëputur në krye të renditjes, me 10 pikë, 3 më tepër sesa portugezët. Leister Siti e ka siguruar tanimë vendin në fazën tjetër, në turin e 32-shes.
Në grupin I, Sivaspori ka nisur fituar 3-2 në fushë të huaj azerëve të Karabagut, ndërsa në takimin tjetër, Makabi i Tel Avivit dhe Vijareali kanë shënuar nga një gol e kanë ndarë nga një pikë secila, me spanjollët që vijojnë të ruajnë të paprekur kreun e renditjes, me 10 pikë, 3 më tepër sesa izraelitët.
Por turqit janë vetëm një pikë prapa, në vendin e 3-të. Në grupin J, në të vetmin takim që nisi më herët, Antverpi ka shtangur Linzer ASK-në, duke fituar në Austri me shifrat 2-0 dhe belgët ngjiten në krye të renditjes, me 9 pikë, 3 më tepër sesa austriakët. Ndërkaq, fitorja 3-0 që skuadra e Dinamos së Zagrebit arriti në fushë të huaj, në Austri, ndaj Volfsbergerit vendas, por edhe barazimi pa gola që CSKA-ja e Moskës dhe Fejënordi fiksuan midis tyre në Rusi, dhe ka bërë që beteja të mbetet e hapur në grupin K.
Kroatët që kryesojnë, me 8 pikë, 3 më tepër sesa holandezët, me austriakët që mbajnë vendin e 3-të me 4 pikë e rusët që janë një pikë prapa. Dhe, së fundi, edhe në grupin L ka triumfuar skuadrat udhëtuese, teksa Crvena Zvezda ka mundur 2-0 në Belgjikë Gentin, ashtu sikundër ka fituar me të njëjtat shifra në Sllovaki edhe Hofenhaimi ndaj Slovan Liberecit. Gjermanët kryesojnë me pikë të plota, 12, 3 më tepër sesa serbët, dhe janë që tani në fazën tjetër, në turin e 32-shes.
l.m/fjala.al
