Kryeministri Edi Rama ka folur sot nga Abu Dabi dhe ka treguar arsyen pse ai udhëtoi drejtë Emirateve të Bashkuara Arabe pikërisht ditën që përkonte me 1 vjetorin e tërmetit të 26 nëntorit.
Rama gjatë fjalës së tij tha se “Rastësia e desh që sot të jem në Abu Dabi për të firmosur financimin e 2000 apartamenteve në Durrës. Princi në atë ditë të zymtë hapi derën e shtëpisë së tij dhe ofroi ndihmë. Ministri i rindërtimit ka punuar ngushtësisht me inxhinierët e vënë në dispozicion nga princi.
Qeveria shqiptare do të financojë infrastrukturën e lagjes në spitallë ndërsa financuesi i Khalifas do të realizojë banesat e spitallës dhe banesat e reja që do të ndërtohen në vend të pallateve të shembura në Durrës. Sot do të firmosim marrëveshjen mes dy qeverive”.
Rama ka folur për investimet në Durrës, teksa tha se pikërisht në këtë qytet do ndërtohet porti më i madh në Ballkan.
Kujtojmë se Emiratet e Bashkuara Arabe në Konferencën e Donatorëve në shkurt dhuruan për Shqipërinë 70 milionë euro për Rindërtimin./Bl.Ba/Fjala.al
