Dy shtetas shqiptarë janë arrestuar nga autoritetet e policisë greke, pasi u është zbuluar apartamenti që e kishin përshtatur për të mbjellë lëndë narkotike, të llojit kanabis sativa.
Mediat greke raportojnë se të arrestuarit janë 20 dhe 26 vjeç, të cilët kishin investuar për ndërtimin e një serre të mirëfilltë në apartament me qëllim rritjen e kanabisit.
Policia sekuestroi gjithashtu edhe 39 rrënjë kanabisi të rritura në një gjatësi prej tre metrash, llampa të fuqishme që përdoreshin nga të rinjtë, një transformator, rreth 500 euro, si edhe mjete të tjera të nevojshme për një aktivitet të tillë.
Shtëpitë e kanabisit janë të njohura për shqiptarët në Britaninë e Madhe, ky është një ndër rastet e pakta të këtij lloji në Greqi./Re.D/Fjala.al
