Një aksident i rëndë ka ndodhur pasditen e sotmë në Lezhë ku për pasojë ka mbetur i plagosur shoferi i një mjeti tip ‘Benz’.
Sipas informacioneve të para dyshohet se drejtuesi ka qenë në gjendje të dehur, ndërsa fillimisht është përplasur me një kabinë elektrike në Ishull Lezhë.
Makina nuk ka ndaluar këtu por në rrotullim e sipër është përplasur edhe me dy automjete të tjera.
Për pasojë drejtuesi i mjetit ndodhet në gjendje të rëndë dhe është transportuar në spitalin e Lezhës ku ndodhet në kujdesin e mjekëve.
Sakaq policia ndodhet në vendngjarje dhe po punon për zbardhjen e plotë të ngjarjes./Re.D/Fjala.al
