Një 32- vjeçar është raportuar i zhdukur në qytetin e Durrësit.
Sipas burimeve policore, i riu me inicialet S.P., 32- vjeç kishte dalë për të gjuajtur me pushkë deti për oktapodë ditën e djeshme dhe nuk ka dalë më në breg.
Rrobat e tij janë gjetur në afërsi të Currilave, duke shtuar dyshimet se diçka mund t’i ketë ndodhur.
Burime nga familjarët bëjnë me dije se është kërkuar nga polumbarët dhe forcat detare, por deri më tani pa asnjë rezultat.
Dyshimet e para janë se i riu mund të jetë mbytur në det. Vijojnë kërkimet nga forcat e Policisë, polumbarët dhe Forcat Detare.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë të ngjarjes./Bl.Ba/Fjala.al
