Momente frike për presidentin e zgjedhur amerikan, Joe Biden i cili theu këmbën ndërsa luante me qenin e tij dhe tashmë do të duhet të mbajë një protezë “për disa javë”. Kështu ka njoftuar mjeku i tij në një deklaratë të raportuar nga mediat amerikane.
Në një video të publikuar në Twitter nga mediat amerikane, shihet presidenti i zgjedhur amerikan që çalon pak teksa ecën.
Në kohën e dëmtimit, Biden po luante me Majorin, një qen i racës gjermane, i adoptuar nga familja e tij. Qeni tjetër i shtëpisë është Champ, edhe ky i racës gjermane.
Incidenti ndodhi ndërkohë që demokrati po kalonte fundjavën e festës së Ditës së Falënderimeve me familjen në Rehoboth Beach, Delaware, ku ata kanë një shtëpi pushimi.
Në një koment të shkurtër në Twitter, presidenti në detyrë, Donald Trump i ka shkruar: “Shërohu shpejt”.
Biden mbushi 78 vjeç në 20 nëntor dhe do të bëhet presidenti më i vjetër amerikan në histori. Gjatë fushatës elektorale situata e gjendjes së tij shëndetësore u përshkrua e përkryer në përputhje me detyrën e presidentit./Bl.Ba/Fjala.al
NEW: @nbcnews photographer captures @JoeBiden leaving orthopedic office in Delaware where the president-elect was just treated for what his doctor called a sprained right ankle from a fall Saturday. pic.twitter.com/mTYee0BMur
— Kelly O’Donnell (@KellyO) November 29, 2020
