Ruçi uron kryeparlamentarin rumun për Festën Kombëtare: Bashkëpunimi në momentin me të mirë

113 563 lexime

124,178FansaPëlqeje

Me rastin e Festës Kombëtare, 102-vjetorit të Ditës së Bashkimit të Madh-Ziua Marii Uniri, të Rumanisë, Kryetari i Kuvendit, z. Gramoz Ruçi, i ka dërguar një letër urimi Kryetarit të Dhomës së Deputetëve, z. Marcel Ciolacu.

Deklarata e Bashkimit të Rumanisë, e shpallur në Alba Lulia, më 1 dhjetor 1918, është një ngjarje e shënuar në historinë e popullit mik rumun, e cila i hapi rrugë zhvillimit dhe prosperitetit të Rumanisë, si një komb e shtet modern.

Rumania është është sot një vend anëtar i Bashkimit Europian dhe i NATO-s, mik dhe partner i ngushtë i Shqipërisë. Marrëdhëniet dhe bashkëpunimi ynë dypalësh janë aktualisht në momentin e tyre me të mirë dhe po zgjerohen e forcohen dita-ditës.

Shqipëria i është mirënjohëse Rumanisë për mbështetjen e vazhdueshme të rrugëtimit tonë europian, e cila u kurorëzua me vendimin e Këshillit Eurooian të çeljes së negociatave në mars të këtij viti.

Vendimi i marrë nga Këshilli i Bashkimit Europian në datën 25 mars 2020 për hapjen e negociatave për anëtarësimin e Shqipërisë, i bazuar në progresin e arritur në reformat dhe përmbushjen e kushteve të përcaktuara nga Këshilli, është rezultat edhe i kontributit të Parlamentit dhe Qeverisë së Rumanisë, për të cilën populli shqiptar ju është shumë mirënjohës.

Ne ndjekim me vëmendje përpjekjet e popullit dhe të institucioneve të Rumanisë për përballimin e pasojave të pandemisë Covid-19 dhe urojmë e shpresojmë që popujt tanë dhe të gjithë kombet e planetit të dalin sa më shpejt dhe me pasoja sa më të lehta prej saj.”, shkruan Ruçi./Bl.Ba/Fjala.al

Të fundit

Incidenti me eksponentin e PD-së/ Këlliçi: Socialistët po tentojnë të përgjakin Dibrën

Kandidati për deputet i Partisë Demokratike, Belind Këlliçi ka reagur sot ndaj incidentin të ndodhur pak ditë më parë...

Qumështi me aflatoksinë?/ Reagon Industria e Qumështit dhe Shoqatat e Fermereve

Shoqata e Industrisë së Përpunimit të Qumështit dhe Shoqata e Blegtorëve Prodhues, ka reaguar zyrtarisht, pas lajmit se në vendin tonë qarkullon në treg...

Anxhela Peristeri fotografohet për herë të parë me partnerin

Nëse flasim për karrierën e saj, Anxhela Peristeri është padyshim një nga artistet më të njohura të muzikës shqiptare. E pranishme prej vitesh në...

Meta i njeh meritat vetes nga qelia!/ Krenar që realizova superstradën Lezhë-Shkodër

Kreu i Partisë së Lirisë, Ilir Meta, ndihet krenar që në kohën që ishte Kryeministër realizoi një nga veprat infrastuktore, si rruga Lezhë-Shkodër. Meta nëpërmjet postimi në...

“K’cimi i Tropojës” ngjitet në skenën e TKOBAP për të festuar përfshirjen në UNESCO

Mbrëmjen e 25 prillit, në Sallën e Koncerteve të Teatrit Kombëtar të Operas, Baletit dhe Ansamblit Popullor, u mbajt një ceremoni artistike e veçantë,...

Lajme të tjera

Web TV