Kryedemokrati Lulzim Bazha ishte sot në Lezhë, ku zhvilloi takime me bizneset e vogla në këtë qytet, të cilët i shprehën shqetësimin për situatën me të cilën po përballen pas pandemisë.
Basha u ndal në disa biznese ku dëgjoi prej sipërmarrësve të vegjël se sa e rëndë është situata social-ekonomike në vend.
Nëpër dyqane pronarët tregojnë vetëm lista, pasi njerëzit nuk kanë lek të blejnë as ushqimet e shportës.
“Meritoni dhe do keni mbështetje të plotë. Do t’i japim fund kësaj situate ku taksat tuaja dhe lekët tuaja zhduken në drejtim të paditur, do kthehen tek ju në radhë të parë të familjet në nevojë, në radhë të dytë tek bizneset te sipërmarrja në veçanti te sipërmarrja e vogël.
Vendi ka shpresë, ka mundësi vetëm duhet të bëhemi bashkë. Bëhemi bashkë dhe t’ja kthejmë njerëzve atë që është e njerëzve, që sot e marrin një grusht klientësh të qeverisë, duhet t’ja kthejmë rinisë, duhet t’ja kthejmë sipërmarrjes, duhet t’ja kthejmë familjeve.
Duhet të krijojmë kushtet për investime, edhe të brendshme edhe të huaja. Siç po bëjnë vendet e tjera të rajonit. Dhe në atë moment do kesh oferta për punë dhe do jesh ti që do zgjedhësh se ku do shkosh, jo të përfundosh me dy fakultete duke pritur këtu për javë të tëra për klientin e parë”, u shpreh Basha./Bl.Ba/Fjala.al
