Gjasat janë që brenda këtij viti BE të mos hapë negociatat për anëtarësim të Shqipërisë në BE. Por kur mund të kemi një datë më të saktë? Përgjigjen e kësaj pyetje e jep kryetarja e Komisionit të jashtëm parlamentar Mimi Kodheli gjatë emisionit HARD TALK NGA ROLND QAFOKU.
-Zonja Kodheli, dua një mendim tuajin lidhur me atë që brenda vitit ka shumë gjasa që Shqipërisë mos t’i hapen negociatat për anëtarësim në BE.
-Ju e dini që udhëtimi ynë për hapjen e negociatave ka në krah një vend sa mik aq edhe fqinj siç është Maqedonia e Veriut. Ne tashmë jemi në këtë paketën evropiane dhe besoj që do vazhdojmë ta kemi të tillë sepse e tillë do jetë dhe është edhe strategjia evropiane lidhur me Ballkanin Perëndimor. Diku tërheqim ne, diku pengojmë ne. Diku tërheqin ata, diku pengojnë ata. Derisa të gjejmë këtë ekuilibrin perfekt në mënyrë që të dyja vendet të jemi absolutisht të gatshme dhe të suportuara nga vendet e tjera për ta bërë këtë gjë, kjo gjë do të ndodhë që besoj me gjasë do të ndodhë në fillim të pranverës së vitit tjetër./Fjala.al/Ke.Ba
