Aplikimi i testeve të shpejta pritet tu japë një dorë autoriteteve shëndetësore në përballjen me pandeminë përgjatë dimrit.
Në një konferencë për mediat, Ministrja e Shëndetësisë, Ogerta Manastirliu, deklaroi se Shqipëria ka siguruar 100 mijë teste të shpejta për COVID 19.
Ajo tha se do të hyjnë në funksion që prej të hënës në Tiranë, ndërsa duke filluar nga 20 dhjetori do të përdoren dhe në spitalet rajonalë.
Sipas ministres, pikat e testimit do të bëhen të njohura në ditët në vijim dhe do të mbulojnë një numër të caktuar banorësh, sipas një ndarjeje që është bërë në funksion të mbulimit të nevojave.
Ndërkohë, shefja e Departamentit të Sëmundjeve Infektive në ISHP, Silva Bino, u shpreh se testi i shpejtë, i cili është siguruar nga Shqipëria, është gati 100% efektiv dhe ndihmon autoritetet për hetim epidemiologjik në kohë reale.
Më poshtë mund të ndiqni me video demonstrimin live të testit të shpejtë./Bl.Ba/Fjala.al
