Të apasionuarit pas hapësirës po presin me momentin kur Jupiteri dhe Saturni do t’i afrohen njëri-tjetrit javën e Krishtlindjeve më shumë se çdo herë tjetër, gjë që ndodh njëherë në 800 vjet.
Më 21 dhjetor Saturni dhe Jupiteri pritet të shfaqen thuajse si një planet i dyfishtë. Astronomi gjerman, Joahnnes Kepler shkroi në vitin 1614 se me shumë gjasë, “Ylli i Betlehemit” në rrëfenjën e lindjes së Jezu Krishtit është pikërisht një bashkim i Jupiterit me Saturnin.
Ky fenomen, i njohur si bashkimi, do të shihet në çdo vend të globit, por në Britani mendohet se do të jetë pak më i qartë. Në Londër dhe Nju Jork do të shihen planetët afër horizontit (rreth 5.3 ° dhe 7.5 °, përkatësisht rreth një orë pasi të perëndojë dielli.
“Rreshtimet midis këtyre dy planetëve janë mjaft të rralla. Kjo lidhje është jashtëzakonisht e rrallë për shkak të asaj se sa afër planetit do të shfaqen me njëri-tjetrin”, tha astronomi Patrick Hartigan i Universitetit Rice të Hjustonit, Teksas.
Bashkimi tjetër i tillë i të dy trupave pas kësaj nuk do të jetë deri diku pas vitit 2400.
“Në mbrëmjen e afrimit më të afërt në 21 Dhjetor ata do të duken si një planet i dyfishtë, i ndarë nga vetëm 1/5 e diametrit të hënës së plotë”,- shtoi profesori Hartigan.
