Kryetari i Aleancës për Ardhmërinë e Kosovës, Ramush Haradinaj, ka thënë se në kohën e UÇK-së ka qenë engjëll që e ka dërguar Zoti për të shpëtuar njerëzit në Kosovë.
I ftuar në emisionin ‘Debat Plus” ka thënë se tani nuk është si në luftë duke shtuar se në politikë ka bërë gabime. Po ashtu ai ka thënë se konsiederon ëngjëll edhe Amerikën që sipas tij ka bombarduar Serbinë.
Ndër të tjera, Haradinaj është shprehur se familjarët e të vrarëve pas luftës kanë të drejtë të kërkojnë drejtësi por sipas tij duhet pasur kujdes që të mos i bëjnë favore Serbisë.
“Në kohën e UÇK-së besoj se kam qenë një engjëll i vendit tim që më ka dërgua Zoti për të shpëtuar njerëz të pafajshëm. Tash jam në politikë dhe nuk jam engjëll. Edhe bashkëluftëtarët e mi i konsideroj engjëj e po ashtu edhe Amerikën që e ka bombarduar Serbinë. Pas luftës edhe unë kam bërë gabime në politikë. Edhe mua më është vrarë një vëlla pas lufte dhe shumë bashkëluftëtarë të tjerë”, u shpreh Haradinaj.
