Një grup europarlamentarësh i ka kërkuar Këshillit të Ministrave të BE-së që të hapë përpara fundit të këtij viti kornizën për nisjen e bisedimeve të anëtarësimit për Shqipërinë dhe Maqedoninë e Veriut.
Deklarata është firmosur nga 24 eurodeputetë, përfaqësues të grupeve politike, të cilët nxisin të gjitha palët e përfshira për të gjetur një zgjidhje për të siguruar që negociatat e pranimit të fillojnë para fundit të vitit.
Deklarata u mbështet edhe nga kreu i grupit parlamentar të PS-së, Taulant Balla, i cili, ka reaguar në një postim në rrjetet sociale, duke shpërndarë edhe linkun e qëndrimit të europarlamentarëve.
Në dokumentin që është firmosur nga eurodeputetë nga të gjitha grupet parlamentare, ndër ta edhe kreu i Komitetit të Punëve të Jashtme dhe njeriu i besuar i Angela Merkelit, David McAllister , theksohet se “Duke paralajmëruar se bllokimi aktual në bisedimet e pranimit me Maqedoninë e Veriut dhe Shqipërinë po rrezikon besueshmërinë e Bashkimit Evropian në Ballkanin Perëndimor, ata i bëjnë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e procesit të pranimit më tej.
Bullgaria duhet të miratojë hapjen e konferencës ndërqeveritare (IGC) me Maqedoninë e Veriut sa më shpejt të jetë e mundur dhe në çdo rast në dhjetor, duke pranuar kështu përpjekjet e vendit në procesin e pranimit në BE. Maqedonia e Veriut, në rolin e saj si një vend i ardhshëm i pranimit, duhet gjithashtu të bëjë çdo përpjekje të mundshme nga ana e saj për të zgjidhur çështjet e pazgjidhura”.
Eurodeputetët në deklaratën e tyre theksojnë se “Shqipëria gjithashtu meriton të shkojë përpara në rrugën e saj drejt pranimit në BE, duke treguar përpjekjet e saj gjithëpërfshirëse për të reformuar, në veçanti në sektorin e drejtësisë, gjatë viteve të fundit, si dhe vlerësimin pozitiv të Komisionit”.
Në deklaratë gjithashtu theksohet se “përpjekja është e nevojshme nga Shqipëria në disa fusha, në rrugën e saj për të përmbushur të gjitha kushtet e paraqitura në Konkluzionet e Këshillit”.
Pasi Komisioni miratoi paketën e Zgjerimit në tetor, pritej që Këshilli të shpallte së shpejti datat e konferencave të para ndërqeveritare me Shqipërinë dhe Maqedoninë e Veriut, duke shënuar fillimin zyrtar të negociatave të pranimit. Megjithatë, në nëntor , qeveria bullgare njoftoi se do të vinte veton në hapjen e bisedimeve të Maqedonisë së Veriut mbi pranimin në BE, duke kërkuar disa ndryshime në kornizën negociuese për Maqedoninë e Veriut.
Këshilli Evropian ra dakord për hapjen e bisedimeve të pranimit me Shqipërinë dhe Maqedoninë e Veriut në Mars 2020. Mali i Zi filloi negociatat e pranimit në 2012 dhe Serbinë në 2014, ndërsa Bosnje dhe Herzegovina dhe Kosova janë kandidatë të mundshëm. Negociatat me Turqinë filluan në 2005, por meqenëse vendi ka përparuar në fushat e demokracisë, sundimit të ligjit dhe të drejtave themelore, Këshilli i Çështjeve të Përgjithshme vendosi në qershor 2018 të ngrijë negociatat e pranimit me Turqinë.
Eurodeputetë firmëtarë
Vladimir Bilcik, PPE Raportuesi për Serbinë, Kryetari i Delegacionit të SAPC të BE-Malit të Zi
Reinhard Butikofer, Të Gjelbrit/ Koordinatori i EFA AFET
Andor Deli, PPE Raportuesi hije për Malin e Zi
Tanja Fajon, S&D Raportuesi hije për Maqedoninë e Veriut
Michael Gahler, Koordinator për Grupin PPE në Komisionin e Punëve të Jashtme
Kinga Gal, Raportuesi hije i PPE për Raportin mbi Rekomandimin për Ballkanin Perëndimor, pas takimit të nivelit të lartë në 2020
Sandra Kalniete, Kryetar i Grupit Punues së PPE për Politikat e Jashtme
Ilhan Kyuchyuk, Raportuesi i përhershëm i PE për Maqedoninë e Veriut, zëvendësues i AFET për Evropën, koordinatori
David Lega, Raportuesi hije i PPE për Shqipërinë
Lukas Mandl, Raportuesi hije i PPE për Kosovën
David McAllister, Kryetari i Komisionit për Punë të Jashtme
Tonino Picula, Koordinatori i S&D për AFET / Kryesuesi i Grupit të Punës së AFET për Ballkanin Perëndimor
Kati Piri, Nënkryetari i Grupit S&D për Çështjet e Jashtme
Paulo Rangel, Raportues për Bosnjë dhe Hercegovinën
Christian Sagartz, Raportuesi hije i PPE për Maqedoninë e Veriut
Isabel Santos, Raportuesja e Shqipërisë, S&D
Andreas Schieder, Kryetari i Delegacionit të Maqedonisë së Veriut, S&D
Michal Simecka, Rinovo Evropën Zëvendës President, raportues hije për Shqipërinë
Tineke Strik, Të Gjelbrit / EFA hije për Maqedoninë e Veriut
Hilde Vautmans, Rinovo Evropën, koordinator i AFET
Viola von Cramon-Taubadel, Të Gjelbrit / EFA hije mbi Ballkanin Perëndimor
Thomas Waitz, Të Gjelbrit / EFA hije për Shqipërinë
Marion Walsmann, Nënkryetari i JPC të BE-Maqedonisë së Veriut, Anëtar i Dialogut Jean Monnet
Zeljana Zovko, Nënkryetar për Komisionin për Punë të Jashtme, Zv-koordinator për Grupin PPE në Komisionin për Punë të Jashtme./Bl.Ba/Fjala.al
