Detaje të reja janë zbuluar nga ngjarja e rëndë e ndodhur pas mesnatës në Tiranë, ku një 25-vjeçar humbi jetën pasi nuk iu bind urdhrit të policisë për të ndaluar.
Ngjarja ka ndodhur rreth orës 01:45, n rrugën ‘Dritan Hoxha’, në zonën e Laprakës. Klodian Rasha është 25-vjeçari i cili u plagos nga policia dhe gjeti vdekjen në spital.
Burimet për mediat bëjnë me dije se Rasha nuk kishte armë zjarri, por një send të fortë (drru) të cilin ia drejtoi policëve. Pas thirrjeve të vazhdueshme për të ndaluar, Rasha përsëri nuk ka ndaluar dhe është larguar me vrap. Të gjendur në një zonë pa ndriçim, 25-vjeçari i ka drejtuar atyre një send të fortë në dukje armë zjarri. Në kushtet e vetëmbrojtjes, efektivi me inicialet N.H ka qëlluar dhe ka plagosur për vdekje të riun.
Prokurori dhe hetuesit e SHÇBA kanë shkuar në vendngjarje dhe po punojnë për zbardhjen e saj, dhe për të mësuar nëse i riu që u qëllua nga Policia ka pasur vërtet armë zjarri, pasi në njoftim thuhet se Klodian Rasha u ka drejtuar efektivëve “një send të fortë në dukje armë zjarri”./r.g/fjala.al
