Duke folur pas triumfit 3-0 të arritur ndaj Kastriotit në Kamëz , trajneri i Vllaznisë, Brdariç dhe futbollisti Demir Imeri, shprehën kënaqësinë për 3 pikët, por edhe pakënaqësinë për fushën e lojës.
“Çdo ndeshje është shumë e vështirë, – ka deklaruar gjermani i stolit shkodran. – E kemi marrë shumë seriozisht, e treguam këtë sot në fushë.”
“Ajo që më pëlqen më shumë te kjo Vllazni është puna e grupit, – ka vijuar ish-futbollisti i njohur. – Kemi akoma për të bërë më mirë.
Jemi duke u rritur si skuadër. Kastrioti ishte një skuadër shumë e fortë. Po kënaqemi shumë qe jemi në vendin e parë.” Ndërkaq, Imeri u shpreh i lumtur që fitorja u arrit që në 45 minutat e para.
“Fusha ishte shumë e vështirë”, – ka deklaruar futbollisti i Vllaznisë. “Në pjesën e dytë fusha, ishte skandaloze, – ka vijuar ai. – Në pjesën e parë e goditëm në çdo moment Kastriotin dhe e mbyllën. Në pjesën e dytë, nuk mund të flitej për futboll.”
Pa.Va/Fjala.al
