Japonia ka regjistruar shifër rekorde të rasteve ditore me koronavirus. Të mërkurën shënoi 2.811 raste të reja, që është shifra më e lartë që nga fillimi i pandemisë.
Përpos këtij rekordi, gjatë kësaj periudhe u regjistrua edhe numri më i lartë i personave me simptoma serioze të sëmundjes Covid-19, që ishte 555.
Shifra rekorde të rasteve u regjistruan në gjashtë nga 47 rajonet e Japonisë, përfshirë destinacionet e famshe turistike, Kyoto dhe Kagoshima.
Kryeqyteti Tokio të mërkurën regjistroi 572 raste të reja, që është shifra e dytë më e lartë prej fillimit të pandemisë. Rekordi i mëparshëm u shënua të shtunën më 584 raste për 24 orë.
Rritja e numrit të rasteve në nivel kombëtar, të cilin ekspertët po e cilësojnë si valë të tretë, ka nxitur thirrje qe qeveria ta pezullojë një program për nxitjen e turizmit.
Shtimi i rasteve pritet edhe në ditët e ardhshme, kur shumë japonezë kthehen në vendlindjet e tyre për t’i kaluar ditët e pushimit gjatë Vitit të Ri me familjet e tyre.
l.m/Fjala.al
