Pas trazirave që shoqëruan protestën e djeshme, për vrasjen e 25-vjeçarit Klodian Rasha, ka reaguar sot Ambasada amerikane në Tiranë.
Përmes një postimi në Facebook ajo i bën thirrje qytetarëve të saj që jetojnë në Shqipëri, të shmangin zonat ku protestohet, veçanërisht bulevardin “Dëshmorët e Kombit”, “para zyrave qeveritare”.
“Ambasada ka marrë raporte të protestave që ndodhin përpara zyrave qeveritare në bulevardin Dëshmorët e Kombit në Tiranë. Raportet tregojnë se disa protestues po hedhin objekte në drejtim të policisë dhe oficerët u plagosën.
Oficerët e policisë kanë përdorur gaz lotësjellës për të kontrolluar turmën. Qytetarët amerikanë duhet të shmangin tubimet e mëdha në kryeqytet, pasi demonstrata të ngjashme mund të përhapen në zona të tjera.
Personeli i ambasadës amerikane dhe anëtarët e familjes janë këshilluar të shmangin të gjitha vendet ku demonstratat janë të afërta ose të vazhdueshme.
Shmangni tubimet e mëdha dhe çdo zonë ku demonstratat janë të afërta ose të vazhdueshme. Jini të vetëdijshëm për vendndodhjen tuaj. Monitoroni median lokale për perditesime”, shkruhet në njoftimin e lëshuar nga ambasada./Bl.Ba/Fjala.al
