Situata e Covid në vend, 15 qytetarë humbin jetën në dy spitalet covid
Kryeministri Edi Rama ka bërë me dije se vaksinimi anti-COVID në Shqipëri do të nisë në dy muajt e parë të vitit 2021. Në treg do të jetë jo vetëm vaksina Pfeizer, por po bëhen përpjekje për të marrë edhe dy llojet e tjera të prodhuara nga Moderna dhe Astrazeneca.
Kreu i qeverisë ka deklaruar se takimi me bosin e Pfeizer, Albert Burla i zhvilluar në qendrën e kompanisë prodhuese të vaksinës në Nju Jork ishte shumë pozitiv. Ndonëse e cilëson si një sfidë shumë të vështirë, ai premton se Shqipëria nuk do të mbetet pas krahasuar me vendet e tjera, nisur nga fakti që prodhimi i vaksinave është ende shumë i ulët krahasuar me kërkesat botërore.
“Prodhimi është ende shumë më i ulët se sa kërkesa botërore! Por ambicia jonë është mos mbetemi mbrapa në radhën e stërgjatë të shteteve që kërkojnë vaksinën! Përveç kanalit të sapohapur për vaksinën Pfeizer do hapim në vijim edhe kanalet për vaksinat Moderna dhe Astrazeneca.
Ambicia jonë është që brenda dy muajve të parë të vitit të ri të nisim vaksinimin! Duket e pamundur po ne do t’ia dalim, pavarësisht vështirësisë së skajshme në këtë situatë për të gjithë, ku sidoqoftë vendet më të vogla e me të ardhura më të ulëta janë dhe më të dizavantazhuarat”, shkruan Rama.
Situata në vend
Vijojnë prej disa javësh shifrat e larta të viktimave dhe infektimeve nga koronavirusi në vend. Gjatë 24 orëve të fundit, Ministria e Shëndetësisë raporton se e kanë humbur betejën me virusin e rëndë 15 pacientë, si dhe janë konfirmuar pozitivë 752 persona. Sa i përket situatës në spitale, MSH thekson se “Numri i të shtruarve në spitale është i qëndrueshëm. Aktualisht në 4 spitalet COVID, po trajtohen 454 pacientë, 39 në terapi intensive, 13 pacientë janë të intubuar”.
Në 24 orët e fundit janë kryer 2620 testime, duke përfshirë këtu edhe testet e shpejta që kanë nisur të përdoren në 24 orët e fundit dhe kanë rezultuar pozitivë 752 qytetarë. Rastet pozitive të konfirmuara janë identifikuar në këto bashki: 241 raste në Tiranë, 77 raste në Shkodër, 57 raste në Vlorë, 36 raste në Lushnje, 32 raste në Gjirokastër, 31 raste në Kuçovë, 29 raste në Berat, 28 raste në Sarandë, 24 raste në Lezhë, 21 raste në Krujë, 19 raste në Durrës, 15 raste në Fier dhe në Mat, 14 raste në Mirditë dhe Tepelenë, 12 raste në Korçë, 11 raste në Pukë dhe Kolonjë, 10 raste në Pogradec, 9 raste në Dibër, 8 raste në Mallakastër, 7 raste në Kukës, 6 raste në Malësi e Madhe dhe Gramsh, 5 raste në Kavajë, 4 raste në Devoll dhe Përmet, 3 raste në Delvinë, 2 në Librazhd, 1 raste në Elbasan.
Në spitale është i qëndrueshëm. Aktualisht në 4 spitalet COVID, po trajtohen 454 pacientë, 39 në terapi intensive, 13 pacientë janë të intubuar. Në 24 orët e fundit, kanë humbur jetën 15 qytetarë me Sars-Cov2 pozitiv në spitalet COVID: 7 qytetarë nga Tirana, 3 qytetarë nga Durrësi, 1 qytetar nga Fieri, 1 qytetar nga Skrapari, 1 qytetar nga Lushnja, 1 qytetar nga Berati, 1 qytetar nga Elbasani, të moshave 55-88 vjeç.
l.m/Fjala.al
