Prapaskenat e vrasjes mafioze në Athinë

113 563 lexime

124,178FansaPëlqeje

Dimitris Kapetanakis e dinte që ishte në rrezik. Ai mbante gjithmonë me vetë një pistoletë CZ dhe shpesh ndërronte shtëpi nga frika se mund ta vrisnin.

Edhe adresat e shtëpive ku ai kishte deklaruar se jetonte ishin të rreme. Ai e dinte shumë mirë që ishte shënjestra e radhës, në mesin e dhjetëra vrasjeve mafioze që kanë mbërthyer Athinën gjatë 5 viteve të fundit.

Përveç kësaj, një vit më parë vrasësit me pagesë ekzekutuan një biznesmen 50-vjeçar dhe mikun e tij të ngushtë në lagjen Haidari dhe autorët ende nuk janë ndëshkuar deri më sot.

Sipas informacioneve, dy persona me kapuç që udhëtonin me një BMW të zezë, kishin ndaluar jashtë shtëpisë së tij në rrugën Taygetou në Vrilissia të Athinës dhe kur panë që viktima po dilte në orën 3:20 pasdite, ata e qëlluan me kallashnikov, duke i dhënë një goditje fatale në kokë.

Autorët u larguan me shpejtësi dhe disa metra poshtë Patima Chalandrit, i vunë flakën BMW-së duke zhdukur gjurmët.

Ata më pas hipën në një automjet tjetër të parkuar në vendin e ngjarjes.

18 gëzhojat e gjeture në vendin e ekzekutimit janë dërguar në Laboratorët e Mjekësisë Ligjore për ekzaminim ndërsa autopsia e 56-vjeçarit do të kryhet sot.

Specialistët e ngarkuar për zbardhjen e ngjarjes kanë deklaruar se ekzekutimi i 56 vjecarit është kryer nga vrasës profesionistë me pagesë për një shumë të madhe parash.

56 vjeçari ka punuar si rojë sigurie, vrasës me pagesë dhe punë të tjera të paligjshme, në të cilën kanë qenë të përfshirë edhe policë të korruptuar.

Vlen të përmendet se Kapetanakis u akuzua gjithashtu për sulmin me acid sulfurik kundër avokatit të njohur Pavlos Sarakis.

Lexo edhe :  Po riparonte një mjet në guroren ku punonte, humb jetën 38-vjeçari në Mamurras

Megjithëse një emër i njohur në punët e paligjshme Kapetanakis levizte shumë pak dhe ishte gjithmonë i mbrojtur.

Ai i shmangej gjithmonë vëmendjes dhe ka shumë pak foto të tij dhe kryesisht janë foto të vjetra.

Policia po përpiqet të përcaktojë nëse ky rast ka të bëjë me ekzekutimin e ndodhur në tetor 2019, në Haidari ku u qëllua për vdekje një 50-vjeçar me të cilin 56-vjeçari kishte marrëdhënie të mira dhe bashkëpunim të ngushtë.

Ky është njeriu që dha urdhrin për vdekjen e Dimitris Kapetanakis.
l.m/Fjala.al

Të fundit

Paundi dhe dollari në “krizë”/ Kursi i këmbimit, 10 korrik 2025

Sot, në tregun e këmbimit valutor, një dollar amerikan do të blihet me 82.9 lekë dhe do të shitet...

Automjeti del nga rruga dhe përfundon në liqen, humb jetën 34-vjeçari

Mëngjesin e sotëm, në aksin rrugor "Pogradec-Qafë Thanë", automjeti që drejtohej nga shtetasi A. B., 34 vjeç, dyshohet se si pasojë e humbjes së...

Ulen temperaturat/ Sa do të shënojë termometri ditën e sotme

Ditën e sotme vendi ynë do të jetë në ndikimin e kushteve atmosferike të qëndrueshme. Sipas SHMU, moti parashikohet i kthjellët në të gjithë territorin...

Cezari e Pompei – Beteja e Dyrrahum-it dhe ndërrimi i emrit nga Epidamnus

Në verën e vitit 48 para erës sonë, në brigjet e Adriatikut – në atë që sot është Durrësi – u zhvillua një nga...

Çmimi Nobel për Paqen për të cilin udhëheqësit shkojnë në luftë

Në atë që mbështetësit e kanë quajtur simbol solidariteti dhe kritikët një akt poshtërues besnikërie, kryeministri i Izraelit, Benjamin Netanyahu, zbuloi këtë javë se...

Lajme të tjera

Web TV