Një person mbeti i plagosur mbrëmjen e sotme në Vlorë. Fillimisht u raportua se i plagosuri u qëllua me armë, pasi në vendin e ngjarjes u dëgjuan të shtëna dhe u gjet një gëzhojë dhe një plumb, por policia sqaron se 46-vjeçari me inicialet K. M. u qëllua me një send të fortë.
Ngjarja ndodhi rreth orës 17:20 në afërsi të Gjykatës së Apelit si pasojë e një konflikti të çastit. I plagosuri sipas policisë është dërguar për ndihmë mjekësore dhe ndodhet jashtë rrezikut për jetën.
Tre persona janë shoqëruar deri tani për ngjarjen, ndërsa vijon puna për arrestimin e autorit të plagosjes dhe sqarimit të rrethanave.
l.m/Fjala.al
