Një 30-vjeçar ka rënë në prangat e policisë ditën e sotme në Tiranë, pasi akuzohet se ka goditur për shkak të detyrës një polic.
Personi me inicialet O. M., 30 vjeç, akuzohet se në rrugën “5 Maji”, ka goditur për shkak të detyrës punonjësin e Policisë të Komisariatit Rajonal të Policisë Rrugore, i cili mori ndihmë mjekësore në spital.
Po ashtu në pranga ranë edhe dy të rinj në Tiranë, të cilëve iu gjet në makinë një armë e ftohtë dhe një sasi kokaine.
Në Kavajë u arrestua njw 41-vjeçar, pasi u kap duke tentuar t’i vinte flakën pemës së Krishtlindjeve të vendosur në qendër të qytetit.
Materialet iu dërguan Prokurorisë së Rrethit Gjyqësor Tiranë, për veprime të mëtejshme./Bl.Ba/Fjala.al
