Pasditen e së dielës, gjatë ceremonisë së Krishtlindjeve në një katedrale në Nju Jork, ka ndodhur një sulm me armë, ku autori mbeti i vrarë nga policia.
Sipas mediave amerikane, pamjet tregojnë burrin e armatosur ende të paidentifikuar në majë të shkallëve që çon në “St John the Divine Cathedral” (Nju Jork), ndërsa të pranishmit përpiqen të largohen.
Burri dëgjohet duke bërtitur ‘më vrisni’ në mënyrë të përsëritur, ndërsa ai qëllon disa të shtëna në ajër duke përdorur pistoletat që kishte në të dy duart.
Një oficer i fshehur diku aty pranë, e urdhëron burrin të hedhë armët disa herë, para se të hapë zjarr ndaj tij.
Një oficer i dytë pastaj hap zjarr, duke qëlluar personin e armatosur në shpatull dhe në trup, i cili më pas humbi jetën në spital.
Sapo u qëllua i dyshuari, policët gjetën një qese të mbushur me sende, kanaçe të mbushura me benzinë, litar, tel, thika të shumta dhe një Bibël./Bl.Ba/Fjala.al
