Roma konfirmon pas analizave mjekësore se 20-vjeçari nuk ka dëmtim muskulor. Një lajm i mirë ka ardhur të martën për futbollistët e Kombëtares së Shqipërisë. Sipas asaj që raportojnë mediat italiane, ndryshe nga ç’ishte menduar në fillim, mbrojtësi i Kombëtares kuqezi, Marash Kumbulla, nuk ka probleme muskulare.
Klubi i Romës konfirmoi së fundmi pas analizave mjekësore të 20-vjeçarit se futbollisti shqiptar nuk ka dëmtim muskular, edhe pse u zëvendësua pas ndeshjes së fundit në kampionat me Bolonjën, pasi shfaqi shqetësime. Duhet theksuar se Kumbulla sapo është rikthyer me skuadrën, pasi kapërceu edhe infektimin me virusin Covid-19.
Frika se ai mund të kishte pësuar një dëmtim serioz tashmë ka kaluar. Përtej një viti të mbrapshtë të kushtëzuar nga epidemia e virusit korona, 2020-ta ka qenë në fakt mjaft e mbarë për mbrojtësin e kombëtares shqiptare, i cili ishte në qendër të vëmendjes gjatë gjithë merkatos së fundit.
Klubet të shumta që e donin, por Roma u tregua më konkrete.
3 milionë euro për huazimin e tij dhe në fund të sezonit, në arkat e Veronës, do të shkojnë edhe 27 milion euro të tjera. Kjo nënkuptoj se rekordi i futbollistit shqiptar më të shtrenjtë në histori është i tiji, por është thjesht çështje kohe dhe, për këtë arsye, 2021-shi premton shumë më tepër për të riun nga Malësia e Madhe.
Pa.Va/Fjala.al
