Këngëtarja e njohur Manjola Nallbani ka humbur një nga njerëzit më të shtrenjtë të saj. Në një postim në Instagram, këngëtarja njoftoi se ditën e sotme është ndarë nga jeta xhaxhai i saj, të cilin ‘e kishte në vend të babit’.
Ajo u shpreh se nuk ka fjalë për të shprehur dhimbjen e ikjes së tij, teksa ndau me ndjekësit një foto krah të ndjerit. Në mesazhin e saj këngëtarja nuk komenton për shkakun e vdekjes së njeriut të afërt.
“Unë nuk kam fjalë ta shpreh dhimbjen e ikjes tënde! Dhe pse kishe shpirtin plot, se kishe djalin, gruan, vajzat e nipërit, vëllain e motrat, mua më thoje … nuk të kam mbesë, të kam gocë dhe unë të kisha në vend të babit!
Unë humba me ty, jo xhaxhain po njeriu e mençur, shpirt madh si rrallë kush e mikun që nuk do ma zëvendësojë askush! Qofsh i parajsës zemra jonë! Dua të të kujtojmë kështu“, thuhet në mesazhin e Manjola Nallbanit./Bl.Ba/Fjala.al
