Ditën e sotme ish-ministri i Brendshëm Sandër Lleshaj i ka kaluar stafetën ministrit të ri Bledi Çuçi, ku i pranishëm ka qenë edhe kryeministri Rama.
Në fjalën e tij të parë si ministër i Brendshëm, Bledi Çuçi ka lëshuar edhe një “thumb” për paraardhësin e tij, ku është shprehur se në fund të mandatit të tij publiku të thotë që “i ka mbaruar mandati ministrit të Brendshëm dhe jo ministrit të Policisë”.
“Nuk ka rëndësi si hyn aktori në skenë, por ka rëndësi dalja nga skena e aktorit. Në përfundim të mandatit tim, do kisha dëshirë që publiku të thoshte që i mbaroi mandati ministrit të Brendshëm, dhe jo ministrit të policisë, apo ministrit të Rendit.
Gjë që për fat të keq mbetet një perceptim për të cilën Sandri u mundua shumë që ta ndryshojë, sepse besoj fort që po nuk u kuptua ky organizëm, asnjë reform nuk do ketë gravitetin e duhur. Kjo është dëshira ime dhe është një lloj premtimi për angazhimin”, tha Çuçi.
