Një javë nga protesta e dhunshme në qytetin e Shkodrës, ku u bastis dhe dogj edhe selia e PS-së, qytetarët u mblodhën sërish sot në tubim.
Protesta nisi pak para orës 11:00 në sheshin “Luigj Gurakuqi”. Një grup i forcave të rendit u vendosën pranë Prefekturës së Qarkut Shkodër.
Me thirrjet “Rama ik”, apo duke përdorur edhe fjalë banale, me dhjetëra të rinj u grumbulluan në qendër të qytetit.
Kur kaloi një orë nga fillimi i saj protesta, u mbyll në mënyrë paqësore, por dy djem u shoqëruan në Polici.
Teksa blutë e Shkodrës nuk kanë ende një njoftim zyrtar, mësohet se dy të miturit e shoqëruar kishin shishe benzine me vete. Ndjekja dhe kapja e tyre u bë pranë gjykatës se shkallës së parë në Shkodër.
Të shtunën e kaluar, protesta e nxitur nga vrasja e Klodian Rashës prej një efektivi policie, precipitoi në dhunë./Bl.Ba/Fjala.al
