Tre infermiere shqiptare dhe dy nga Bullgaria janë vënë në prangat e policisë greke, pasi nuk kishin dokumentacionin përkatës për të punuar në institucionet shëndetësore.
Mediat vendase bëjnë me dije se ndalimi i tre infermiereve nga Shqipëria është bërë në spitalin publik të Janinës, “Haxhikosta”.
Sipas burimeve paraprake mësohet se punonjëset e spitalit nuk kishin dokumentacion për të punuar në spital.
Lidhur me këtë ngjarje po merret në pyetje drejtori dhe nëndrejtori i spitalit. Mister mbetet mënyra se si ato janë punësuar, teksa Prokuroria ka nisur hetimet./Bl.Ba/Fjala.al
