Halit Valteri: Qeveria tallet me pensionistët, pas 50 viteve punë, 5 mijë lekë shpërblim

113 563 lexime

106,048FansaPëlqeje

Deputeti i opozitës Halit Valteri ka folur me akuza ndaj qeverisë në fjalën e tij në Kuvend lidhur me pensionistët për të cilët shprehet se qeveria i ka lënë ata të jetojnë në varfërinë e tyre edhe pse sipas tij këta të fubndit tashmë i kanë kuptuar mashtrimet dhe premtimet boshe të qeverisë, duke i lënë ata ende të jetojnë në varfëri.

Pensionistët kanë kuptuar pafuqinë e qeverisë për t’i shpëtuar nga varfëria. Dhe kjo nuk është diçka e re. As e mjaftueshme. Kanë provuar cinizmin, burokracinë e pashpirt, mashtrimet, premtimet dhe gjithçka tjetër që u është thënë në vitet e kaluara dhe që fatkeqësisht vazhdon t’u thuhet. Ata kanë ardhur duke u bërë më të varfër çdo ditë në njëzet vitet e fundit. Dhe nuk kanë më shpresë. Nuk kanë më arsye të kenë shpresë dhe në këtë pikë janë të mirëkuptuar”, u shpreh Valteri.

Më tej ai shprehet se pavarësisht se çdo vit Këshilli i Ministrave nxjerr vendime për indeksimin e pensioneve, me qëllim rritjen e tyre në masën e rritjes së inflacionit, vlera e pensionit është e ulët dhe sidomos për pensionet rurale.

Në një raport auditimi të publikuar së fundmi nga Kontrolli i Lartë i Shtetit vë në dukje se një person që merr pension familjar nuk i mbyll dot shpenzimet e muajit. Sipas KLSH-së, vlera e ulët e pensioneve apo mos lidhja e tyre për shkak të mosnjohjes së viteve të punës është një nga problematikat më të mëdha, që po çon pensionistët në dyert e gjykatave.

Një histori dështimesh e premtimesh të rreme. Kjo është historia e të gjitha qeverive shqiptare. Nuk më harrohet kurrë kur një e afërme e imja pasi kishte punuar mbi dy dekada në kooperativat bujqësore të kohës, kishte përfituar një pension qesharak, vetëm 150 mijë lekë të vjetra.

Kjo është vetëm një pjesë shumë e vogël e kësaj historie. 670 mijë pensionistë shqiptarë kanë mbetur në mëshirë të një shpërblimi qesharak prej 50 mijë lekësh. Të pavlerësuar financiarisht dhe të harruar nga qeveria e oligarkisë, pensionistët janë të detyruar të presin lëmoshën e qeverisë. Shqipëria ofron ndihmën më të vogël ekonomike për qytetarët e saj – më pak se çdo vend i botës”, shton deputeti Valteri.

Lexo edhe :  U gjet me armë pranë selisë së Partisë Socialiste, dënohet me 5 vite burg Vladimir Gjuta

Sipas tij kosto e jetesës po rritet çdo ditë. “Këtë vit çmimet e ushqimeve janë rritur me 4.7%, duke shkaktuar një humbje të fuqisë blerëse të pensionistëve prej rreth 100 mijë lekësh të vjetra. Pensionistët e shohin këtë shtrenjtim të jetesës kudo, në supermarkete, dyqane ushqimore, në farmaci etj.

Pyetja është pse qeveritë shqiptare janë tallur me pensionistët? Përgjigja është se s’kanë ku gjejnë parat. Rinia ka ikur. Vende pune nuk janë hapur. Gjithçka ka mbetur një gropë e zezë. Është pikërisht kjo e fundit, pra prania e kësaj grope që mund t’i jepte një zgjidhje optimiste një problemi të ndjeshëm të shoqërisë shqiptare”, përfundon fjalën Valteri./Bl.Ba/Fjala.al

Të fundit

Presidenti i FSHF-së, Duka, letër publike përpara Asamblesë së KOKSH

Federata Shqiptare e Futbollit (FSHF) ka shprehur shqetësimin e saj për situatën e krijuar në Komitetin Olimpik Kombëtar Shqiptar...

Një raketë e vërtetë/ Mediat zviceriane jehonë super golit të futbollistit shqiptar (VIDEO)

Kastriot Imeri është treguar vendimtar në fitoren e Servettes në transfertë ndaj Zurich. Skuadra e lojtarit shqiptar po fitonin 2-0, por kundërshtarët i vunë ata...

NATO, kërkesë zyrtare Shqipërisë: Vaksinimi i Ushtrisë të bëhet vetëm me Pfizer!

Ndërsa procesi i vaksinimit po vazhdon në Shqipëri, NATO u ka dërguar një kërkesë autoriteteve shqiptare dhe Forcave të Armatosura, duke kërkuar që vetëm vaksina...

“Jam njohur me bashkëshortin që në moshën 15 vjeçe”, ish-ministrja Klajda Gjosha rrëfen historinë e dashurisë

Historitë e bukura të dashurisë janë shumë frymëzuese për të gjithë. E tillë është edhe historia e Klajda Gjoshës. Është njohur me bashkëshortin në...

Trafikanti i drogës ekzekuton policin në SHBA, publikohen pamjet

Një trafikant droge qëlloi për vdekje një oficer policie në Nju Meksiko të Shteteve të Bashkuara të Amerikës, pasi ishte ndaluar për kontroll. Polici, i...

Lajme të tjera

Web TV