Duket se në Kuvend është kthyer sërish kaosi, teksa deputetët e Rithemelimit gjatë seancës plenare kanë filluar t’iu bien tavolinave duke thërritur: ‘Turp! Turp!’.
Gjithçka ka ndodhur teksa fjalën e mbante deputetja e PS, Klotilda Bushka, e cila po lexon raportin për mandati ne deputetes Olta Xhaçka.
Deputetët do të vendosin nëse mandatin e deputetes Olta Xhaçka do të dërgojnë në Gjykatën Kushtetuese, sipas kërkesës të kësaj të fundit në vendimmarrjen e janarit të vitit 2023.
Çështja e mandatit të Xhaçkas u rikthye në vëmendje, pasi Gjykata e Posaçme vuri nën sekuestro mbi 10 mijë metra katrorë sipërfaqe mbi të cilën bashkëshorti i saj, po ndërton një hotel në bregdetin e Dhërmiut. Trualli i blerë nga persona privatë, rezulton të jetë përfituar prej këtyre të fundit, përmes falsifikimit të dokumentave dhe se sipërfaqja ka qenë në pronësi të shtetit. Për rastin, pak javë më parë u arrestua dhe ish kryebashkiaku i Himarës Jorgo Goro./O.S
