Ministrja e Shtetit për Marrëdhëniet me Parlamentin, Elisa Spiropali nga foltorja e Kuvendit ka bërë bilancin për këtë vit, në seancën e fundit plenare të këtij sesioni. Mes të tjerash Spiropali shprehu besimin si shumicë qeverisëse se institucionet e pavarura sigurojnë balancat dhe kontrollin e ligjit.
“Dua të theksoj besimin tonë si shumicë qeverisëse se institucionet e pavarura sigurojnë balancat dhe kontrollin e ligjit. Përgëzoj Kuvendin për punën e bërë online, që bën të mundur vazhdimin e punës. Platforma e Kuvendi është angazhim i drejtpërdrejt i Kryetarit të Kuvendit me qëllim rritjen e llogaridhënies të ekzekutivit.
Për t’u ushtruar me sa më shumë efikasitet mbi ekzekutivin dhe institucionet e tjera. Niveli i zbatueshmërisë së rekomandimeve referuar në përqindje për vitet 2018-2020, duke filluar nga avokati i popullit dhe komisionerët ka qenë 45%, ndërsa KLSH 83 %.
Për vitin 2019, zbatueshmëria ka qenë 62%, ndërsa KLSH 75%. Për vitin 2020, zbatueshmëria është llogaritur për periudhën janar-shtator. Zbatueshmëriua ka qenë në 84 % për avokatin e popullit dhe komisionerët dhe 75% për KLSH.Shihet progresi rritës i zbatueshmërisë së rekomandimeve“, tha Spiropali.
Ajo i bëri thirrje drejtuesve të këtyre institucioneve që të bëjnë detyrën e tyre dhe nëse kanë aspirata politike është më e ndershme ti drejtohen partive politike.
“Ne duam të bëjmë një thirrje që këto institucione me transparencën që i kemi ofruar të bëjnë detyrën e tyre para ligjit, nëse kanë aspirata politike në 2021, do ishte me mirë të garonin në zgjedhjet e ardhshme. Do ishte më mirë të bënin punën e tyre.”, deklaroi Spiropali./Bl.Ba/Fjala.al
