Ditën e djeshme qarkulloi në media se Bujar Qamili është infektuar me Covid-19 dhe ndodhet në gjendje të rëndë shëndetësore.
Për shkak të gjendjes së rëndë shëndetësore, është bërë me dijese Bujar Qamili është transportuar për në Itali për të marrë një trajtim më të specializuar mjekësor. Prej dhjetë ditësh këngëtari ndodhet në Itali, ndërsa gjendja shëndetësore e tij raportohet e rënduar.
Ndërkohë disa media të tjera thonë se ai kaloi në koma, por tashmë ka dalë prej saj.
Kur të gjithë u mbyllën në shtëpi për shkak të Covid-19, këngëtari Bujar Qamili zgjodhi të bënte të kundërtën. Ai këndoi këngë popullore për rreth 60 minuta në qendër të qytetit të Shkodrës, duke përcjellë mesazhe shprese për qytetarët, të cilët ndiheshin tepër të frikësuar nga pandemia.
Këngëtari në muajin prill tha se ishte hera e parë në jetën e tij, që performonte në shesh pa praninë e spektatorëve, të cilët, për shkak të izolimit nga COVID-19 e ndoqën Bujar Qamilin dhe e duartrokitën nga ballkonet dhe dritaret e shtëpive./r.g/fjala.al
